Author Archives: محمد آل يوسف

………………………………………..

بعض الابيات مستوحاه من كلام للامام علي الهادي عليه السلام
في من يحاول ذم الايام. كذلك توصيف لاسبابالخَلق ومسالك

العبادة لنيل رضا الرحمٰن وجزيل الثواب على الابتلاء.

………………………………………..

طبع الناس تِتْشَكّى مِنْ الأيام

لنها اجّازي فيها الناس يوم ابيوم

ذَمْها ابْلَايَا ذَم اعليها فِيهْ ايْصير

عقاب الله على اللي يرتكب لِذْموم  

والايّام ماليها شإِنْ بالناس

الله ايثيب وِيعَاقب كَفَاك اللوم

الدنيا لِابِن آدم تجاره وسُوق 

رابح قُوم فيها وفِيها خاسُر قُوم

كِل مَن خرج مِن دِنْياه ما يُبْصر

قلبه بالعَمَى بالاخره مختوم

الله مِن خلقنا لينا مو محتاج

خَلّى رحمته لينا صلاة وصوم

فَتَح بَابِه وسَمّى لِلْفَرائِض باب

مِفتاحه النبي ومَسْلَك الى القيوم  

لَولا الاوْصِيا مِن آل طَه انْ كان

تاهَتْ هالخَلايِق والفَرُض مَعْدُوم  

والحَق هُمْ اهِل بيت النبي المختار 

خَسَر مِن يَاخِذِه مِن غِير اهْل اعْلوم

فَرَضْ امْر الوِلايه وسَمَّى لِيها احْقُوق

كل مِنْ يِتِّبْعها ايْحِلْ لِهْ كِل مقسوم   

واللي يِطْفِي حِسْن النَّاس ما يِبْدِيه

مِن فِعْلِه تَرى ايْخَلّي الظَهَر مَقْصوم

والمؤمن ضَعيف وتِفْتِنه الدنيا

واتْذلِّه الرَّغْبَه وبِالْقُبُح مَحْكوم    

اربَعْ لُك وَحَدِدْها وَرَعْ في الدِّين

صُدْقُك والأمانه والاخْلاق ادّوم

اسرار البَلِيّه نِعْمَه للمَخْلُوق

الله ايْحِيطها ابْعُظْم البَلى المَحْتوم  

والدنيا جَعَلْها دار للبلوى

والأُخْرى جَعَلْها عُقْبى لِلمَظلوم

جَعَلْ من بَلوى هالدِّنيا سبب للخير

ثواب الاخرِه يِتْعَوّض المحروم    

واعْمالُك عباده من وَقِت لِنْهار

هَم لِيلُكْ عِبَادَه يِنْحِسِب بالنوم

ترى الايام قِدْسيه ولَها تَقْديس

ايام الزمن اسماء لِلْمَعصوم

………………………………………..

ابو مصطفى ال يوسف

17 جمادى الثانية 1441 هـ

11 فبراير 2020

في شوق المحب لزيارة الامام الحسين عليه السلام وكيف يرى بعينه تلك المشاهد المقدسة

……………………………………………

(1)

يَحْسين شِفْت ابْمشَهدَك زُوّار واتْزور

وَطْلِب من الله ازْيَارِتَك وابْيوم عاشور

بين المآذِن قُبّتُك والعَلَم مَنْشور

بابك يا سُلطان الخَلُق متْعَلّي لُقْصُور

يِمتى يَبَاب الله الفَرج ياخِذْ لُك الثار

(2)

وَمْشِي على دَرْب الصَّحِن واوْصَل مَقامَك

خَجْلان شُوفي ابْحَضرتك يِبدي احْترامَك

اوصَل وسَلِّم سَيدي وسْمَع سَلامَك

تُرفَعني لِلجنّه الزياره واهْتِمامَك

يا سيِّد الشُبّان بالجنّه والاحْرار

(3)

يِنْعُصُر قلبي مِن اشُوف الصُّوره بالناس

واشْتمَ عُطر فوّاح عنبر من هالانْفاس

وانْظر انْوار اوْجُوهُم وُحْجاب عَالرّاس

والمَشْيَّه مَسْعى بِينُك ومَابين عبّاس

قلبي يِطِير الْكَربلا ويِقْطَع الاسْفار

(4)

حُول المشاهد ناس جَتْ لُك بالطهاره

مابِين من يِقْرا الدعا ويِقْرا الزياره

مِنهُم يِرَتل مُصْحَف الباري ابْجَدارَه

كلهم اشُوف اعْيُونْهُم تِبكي ابْحَرَاره

حتى ابْسُجُود اعْضَائْهُم يِتْلُون لَذْكار

(5)

كل القُصور الفاخِرَه لِيها تَقَاليد

من تُوْصَل الناس المُبَجَّل تِنْحني ابْعِييد

وانت ابْمَقَامُك سيدي سباچَك الاييد

كِل الحَجِيج اتْبُوسها يا ابْن الاماجِيد

تِفْتَح مَضِيفُك وانت تِسْتَقْبِل الزُوَّار

(6)

تِقْصِد الناس ازْيارِتَك وابْقَلُب مَلهوف

طُول الزَّمَن ما تِنْقطع من ارُضْ لِطْفوف

كل المِلَل تِقْصُُد ضَرِيحَك تِسْعَى وُاطُّوف

تِدْعِي تَحِت قِبَّةْ النورا واتُرْفَع اچْفوف

واتْنادِي تَعْجيل الفَرَج واتْعِدْ لُك انْصَار

(7)

لِحْدْك يِشِعْ من نُور شِيبات الخَضِيبه

فُرسان للهيجا لِحِدْهم مَحْلى طِيِبِه

يَمُّك حبيب ايْنَام وِامْجَاوُر حَبيبِه

وامْخَيَّمَك يَحْسِين والتَلّه النّحِيبَه

كِلْهُم ابْجَنَّة كَرْبَلا وَمَحْلاها هالدّار

(8)

خُطْوَات اقْدَامُك طَبُعْهَا ابْوَسُطْ لُقْلُوب

واحْبابك اتزيد الخُطى وتِنْقُص لَهَا اذنوب

يِقْصِد الزاير من بُعُد يِقْطَع لُك ادْرُوب

يِمْشِي حَبِيبك للزياره ومهْجَتِه اتْذُوب

لِنِّه يشوف الجنّه تِدْنِي وتِبْعِد النّار

……………………………………………

ابو مصطفى ال يوسف

19 جمادى الثاني 1441 هـ

13 فبراير 2020