أرشيف القسم: اجتماعي

قـصيدة تـوصيف عـاطفي بين المحبين.
…………………………………………
جـــمــرات الــقـلـب بــالـصـدر لاهــــوب
يِـشْـعِـلـهـا الـــولَــه وســـطــه قــنــاديـل

اداوي اجــروح مــرّه وُتُـمْـرَض اجــروح
كِـــثْـــرت لـــلــدوى كِـــــذب الاقـــاويــل

تــاخــذنـي ابـــذكــر حُـــبُّــك الآهــــات
اسَــكِّـنْـهـا ابْـــوَتــر يِـــعــزف مــووايــل

اذْكُــــر مــــن مــكــان الــزُرْتِــه ويّــــاك
وسْــمــع بــالـصـدى صــوتــك تــراتـيـل

اشِـــم لـلـيـوم طــيـب انـفـاسـك اويــاي
حـــافــظ طــيــبـك ابــشِــفـة فــنـاجـيـل

اعــــرف طــيــرك الــيـطـرب الــصــدّاح
حــتـمـن لــــو صــــدح بــيــن الـبـلابـيل

ارســـلــت الـــزواجــل مـــــرّه واثــنــيـن
ولا جــتـنـي ابــخـبـر عــنُّــك مــراسـيـل

مــــن ذاك الـقـمـيـص الْـغَـطَّـى لِـمـتـون
مــــن خــيــط الـمَـتـن انــسـج سـرابـيـل

مــن جـسـمك نــدى مــن طـيبك ايـفوح
احْــفَــظ هــالـنـدى عــنــدي ابـمـنـاديل

لامـــونــي ابـــهــواك اقــــرب الــخــلّان
صِـــرِت نـاقـص عـقِـل بـيـن الـرجـاجيل

مــثـل بـهـلـول يـخـفـي عـقـلـه بـجـنـون
ويــخــفـي امــحـبـتـه لــهــل الـبـهـالـيل

يــمـتـى اتــعــود تــلـبـس تـــاج لـــورود
وردك مـــــــا ذِبَـــــــل دون الاكـــالــيــل

عـــــوِّد يـــــا عـــديــل الــــروح لــلــروح
تــــرى ادروبــــك اذا تــنـوي تـسـاهـيل

كـيـف اقْـطَـع درُب مـن دون مـا شـوف
گَلْ الــــشـــوف وادروبــــــك عــراقــيــل

بــســتـان الـــــوَرِدْ بـالـعـطـش ذبــــلان
صــــار الــشــوك اثــمــار الـمـحـاصـيل

صــرت ابــلا شـعـور احـمـل الـجـمرات
بِـــيِــدِي جــمــرتـي وشْــعِــل نــراجـيـل

قـــلــت الـــيــوم لــــو بــــاچر اوافــيــك
واعَــدْنــي الــوقِــت وَعْــطـانـي تـأجـيـل

انْــويــت الــسـفـر لُــــك راحــلــة خــيـر
لــكــن مــــا صُــفَــت غــيــر الـمـهـازيـل

رِدْت اوصــف شـعـوري ابـلـحظه ولگاك
ابــفـكـري اتْــسَـكَّـرَت كــــل الـمـداخـيل

قــلــت آنــــا الـشـمـس يـمـكـن تـدلـيـك
صـــــار الــغــيـم بــشــكـال الـغـرابـيـل

تَــوَّهــنـي الــنـظـر لــكـنّـي مــــا تُــــوه
اعــــــرف رنّـــتُـــك بـــيـــن الــخـلاخـيـل

اعـــرف نـظـرتـك مـــن تــحـت لـحـجاب
واعـــــرف لـــــون كــحـلـك بـالـمـكـاحيل

انــظـم لـــك شــعـر نــصّـاري مـــوزون
مــفــاعــيـلـن مــفــاعــيـلـن مــفــاعــيــل

بَــوْصُـف حـالـتـي مـــن يـــوم فـــرگاك
عِـــجْــزَت بــالــوصُـف كــــل الـمـفـاعـيل
…………………………………………
مـــــــحــــــمــــــد ال يـــــــــوســـــــــف
12 جــــمــــادى الاولـــــــى 1443 هـ
16 ديــــــــســـــــمـــــــبـــــــر 2021

قـــصــيــدة شـــاعــريــة عــاطــفـيـة.
………………………………………
واجـــب احـبـابـي ارد لـيـهـم ســـلام
كــنـت انـــا اتْـمَـنّى يِـجـوني ازيــاره

عــنــدي لـيـهـم ذكــريـات وذكــريـات
مــــن زَمَــــن والــعِـشِگ دَگ اوتـــاره

والـعـشگ يِـحـيي نـفـوس الـعـاشقين
والــنَّــفِـسْ لَـــهْــل الــعــشگ امَّــــارَه

لـو فـرضنا الـعشگ مـو اصـله مباح
خَــلْـنـي اعْــــشُگ وَدْفَــــعْ الــكـفّـارَه

الـعـشگ عــشگ الـقـلب مـالـه حـدود
لــنّــه يــصـعـب يِـنـحِـسـب مــقــداره

لــلــفـرح قــلـبـي ورهــنـتـه لـلـحـبـيب
مــــن اريـــد افـــرح اريـــد اخــبـاره

بـيـنـي وبـيـنـه نَــفَـس بـالـرِّيَّه طِـيـب
انــفَــخ ابْــنـايِـي و أجـــي يَـــمْ داره

لــلگَصَــب بــيّــاع واعــــرُف جُــودَتـه
واعــــرف الـيـصـلـح الــــى الــزُّمَّـاره

قـلت انـا احـبابي على النغمه يِجِون
وجـــاري مـــن يِـسْـمع يُـخَـبُّر جــاره

تــاره بـنـفاسي الـنغم مـوال ايـصير
وابـــحــلاة الـــــروح يِـــعْــزِف تــــاره

ويــن احَـصِّـل مـثـل مـحبوبي ولـيف
لــلــعـشگً مــوقِــد يِــشِــب اجْــمَــاره

مـوطنه مـعروفه مـن مـاضي الـسنين
مـــــوطــــن الـــمـــحــار والـــبـــحــاره

فــوق صـدره اتـلالي دانـات الـسلام
والــعِــقــد مــــــن دانــــــة الــمــحـاره

لـلـنـواخذ طـــرَّش ابـإسـمـي ســـلام
وابــســفُــنـهـم لــلــمُــحِـب عــــبّـــارَه

حــب حـقـيقي وُالـعِشُگ مـو بـالكلام
عــنــدي تــاريـخ الـمـضـى واســـراره

انـــهَـــم الـــمــوال والــنــبـره حـــــلال
وابــــصــــداه تـــتـــرنــم الــقِــيــثـاره

مِـــثِــل حــــدّاگه وتِــمَـيّـز بـالـشـعـور
نـــبــرة الچنـــعــد عـــــن الــكــفـداره

بـــيــن لِــسـمـوچ وانـامـلـهـم لــغــات
والــتــخــاطــب نَــــبْـــرة الـــســنــاره

لــو رمَــوْ بـالـجلّه كــل واحــد يـصيد
صـعـبـه يـبـقى ابــلا ســمچ مـيـداره

وآنــــا لــلـيـوم ابـمـراسـيل وشــجـون
اقـــول يـمـتى ايـشـع قـمـرنا انــواره

اه مــن تـسـرح عـلى الـديره الـحَمَام
يــعـنـي تِــحْـمِـل لـلـحـبـيب ابــشـاره

لـيـت يِـرجـع لِــي الـزمن لـحظه ونـام
وتـــرجــع الاحــــلام مــــن اســفــاره

مـشَـيـته بـالـحِـشمَه بــلـوان الـسـواد
تـمـشي چَنـها الـحِشْمه بـين الـحاره

وانـظره ابـصورة سـفر مـن يـوم راح
واعْــرفُــه مــــن مـشْـيَـتـه ومــشــواره

واقــرا مــن عـنـده كـتـاب الـذكـريات
واعــــرف اكــتـابـه ومــتـى اصـــداره

وفـيـه صـفـحه اتْـعَـلِّمْ ابـحال الـغرام
واعـــرف اسـلـوبـه وقَـصِـيد اشـعـاره

حُـبْرُه يـضفي عـالجُمَل اجـمل حـياة
بـــاقـــيــه لـــلـــيــوم روح افــــكــــاره

لــو يـصـير اكـتـابه بـيـن امْـيَة كـتاب
ابــطـيـب عــطــره وْلَـمْـسَـتـه اخــتـاره

الـحـروف الـلـي كـتـبها ابــدون لـون
تــجـري مــثـل الـمـاي وســط انـهـاره

روحــــه شـفّـافـه ولا تـخـفـي عــيـوب
وابـضـمـيـره يــخـفـي كـــل اعـــذاره

كــل غـصـن يـنـبت يـفـرع مـنّه طـيب
يـــــزرع الـمـشـمـوم بــيــن اشــجــاره

آنــا جَـمَّـعْت الـدمـوع امــن الـحبيب
دمــعــتـه مـــثــل الـــــدوا ابْــقَــطَّـارَه

اقــطــر الـعـيـنين بـالـدمـعه واطــيـب
لــنّــهـا مـــــرّت عــالــوجِـن حَـــــدَّارَه

قُــمْــت اداري خـطـوتـه يـــمِّ لَـعْـتـاب
لــنــهـا تـــرســم وقــفَــتِـه وتـــذكــاره

ومـن ندى اييده مسحت إبْها الزهور
اتــعــطـرت لـــزهــور مــــن ازهــــاره

لـيـته يـرجـع يـمـسح ابـإييده اللهيـب
وبــالـنّـدى يــطـفـي اللهيــــب ونـــاره
………………………………………
مــــــحــــــمـــــد ال يــــــــوســــــــف
25 ربــــيــــع الـــثــانــي 1443 هـ
30 نـــــــوفـــــــمـــــــبـــــــر 2021

اجــتــمــاعـيـة لــتــوصــيــف قــــــــوة الــكــلــمــة
ومـــصـــداقــيــة الـــــوفـــــاء بـــــمــــا نـــــقــــول
والــمــقــدرة عـــلـــى كــتــابــة مــــــا نــسـتـطـيـع
فــــــعـــــلـــــه ونــــســـتـــطـــيـــع عـــــمـــــلـــــه.
………………………………………
قـــــــوة الــكــلــمـه مـــثـــل ســـيـــف الــصــقـيـل
حَـــدْهـــا مــــــا يــخــطــي وبــالــحِــدَّه قَـــســـم

لـــلـــحــروف ابــــكـــل لــــغـــه لـــيــهــا دلــــيـــل
ولـــــمّـــــا نِــشْــبُــكْــهــا الـــمــعــانــي تـــنــفــهــم

كــلــمــه تــتــكــون مــــــن احــــــروف الــهــجــاء
وتِـــنْـــكــتــب بـــــيـــــن الانـــــامـــــل بـــالــقــلــم

خـــــط مــســيـر الــكـلـمـه جــــدا كــــم قــصـيـر
مــــــــــن لَــــهـــاتـــك لــلــشــفــايـف يـــنْـــرسَـــم

وصــــــارت الــكــلـمـه عـــلـــى خــــــط الأثـــيـــر
تـــنـــتــشــر بـــالـــصـــوت وَوْتـــــــــار ونـــــغَــــم

نــــبــــرّة الاحــــســــاس فـــيـــهــا الــتــرجــمـان
تــحــمــل احـــســـاس الـــفـــرح ويــــــا الألــــــم

تــنــحُــفُــظ بـــالـــذاكــره الــكــلــمــه وتـــصــيــر
صــــورتـــك والــــصـــوت بــالــبـصـمـه انــخــتَــم

كـــلـــمــه تـــبــنــي لـــــــك مـــعــالِــم عـــالــيــات
والـــمــبــانــي تـــنــبــنــي ابـــأعـــلـــى الـــقِـــيَــم

واحــــــــذر الــكــلــمــه اذا صِـــيــغَــت عــــهـــود
مـــــا اتــوفـيـهـا تـــــرى كـــــل شـــــي انـــهــدم

والـــــوفــــاء اتـــــحــــرره الـــكــلــمــه ابــــوفــــاء
وابــــعـــدد لـــحـــروف تــصــبــح لــــــك خــــــدم

لـــكـــن ابْـــعِـــد كِــلْـمـتـك عـــــن كـــــل مـــكــان
فــــيــــه مــــــــا تِــــقــــدر ايــــاديــــك الــــكــــرم

لا اتـــخـــلـــي كــلــمــتــك تـــســـلــك طــــريــــق
والـــــــدرُب مـــــــن كـــــــل لـــنــقــاض انــــــردم

تـــفـــضــحُــك لـــــيّـــــام والـــغــيــمــه دلـــــيــــل
مــــــن مــطــرهــا يــنــكـشـف تـــحـــت الـــقـــدم

نـــــــاس بــالـكـلـمـه ســـهـــل تــكــتــب كـــتـــاب
ومـــــــن تــــجـــي تــــعـــرب كــــلامـــه تِــنــهَــزم

ثَـــــبِّــــت الـــكــلــمــه ولا اتــــخــــاف الـــمُـــزيــل
انـــتــهــى وقــــــت الـــلـــي تِــكــتِــب بــالــفـحَـم

لا اتـــعـــيــش الـــمـــاضــي واتــــقــــرر عـــلــيــه
تـــــــرى الـــمــاضــي فــــيـــه آهـــــــات ونــــــدم

يــمــكــن ابـــيــات الــشُّــعُـر تِــحــمـل صـــــواب
ولا اكــــيــــد ابــــهــــا الـــخــلاصــه تِــنْــحَــسـم
………………………………………
مـــــــــحـــــــــمـــــــــد ال يــــــــــــــوســـــــــــــف
3 ربـــــــــــــــــــــيــــــــــــــــــــع الاول 1443 هـ
9 اكــــــــــــــــــتـــــــــــــــــوبـــــــــــــــــر 2021

ابــيــات فـــي مـنـاسـبة الـعـيـد الـوطـنـي
الـــــــــــــــــــغـــــــــــــــــــالـــــــــــــــــــي.
………………………………………..
يــــا وطــــن بـالـعـيـد عـلِّـمْـنـي الــحـروف
حـــتــى اكـــتــب بــالــذهـب هــالـمـفـردات

بـالـهـويّـه يــــا وطــــن اســمــك حــــروف
تــنــبــض احـــروفــه عــنــاويـن الــحــيـاة

يــــا وطــــن بــتـرابُـك انــعـلِّـي الــصـروح
والــمــبـانـي اقــلــوبـنـا بــالــحـب تِـــبــات

يـــا وطـــن مــكـة وعــلـى ارضُـــك تِـشـير
لــيــهــا بــالـعـالـم جــمــيـع الــبــوصـلات

يــــا وطــــن كـــل الـكـواكـب مـــن تـــدور
حـــولـــك اويـــاهـــا تــــــدور الــكــائـنـات

يــــا وطــــن لــنـهـا عــلــى قِــبْـلـه تــــدور
حــــول مــكّــه لـلـفـريـضه ابــكـل صـــلاة

يــــا وطــــن ارض الـمـديـنـه فــيـهـا نــــور
مــن مـحـمد ديــن شــع مــن كِــلْ جـهات

يـــــا وطــــن مــنُّــك هــــوى ولــلــروح زاد
مــــنِّـــه تـــتــغــذى شــرايــيــن الـــرئـــات

يــــا وطــــن لـلـبـسـمه امــواجُــك شــفــاة
نــنــظــر الـــهـــا بــالــبـحـر مــتـلاطـمـات

يــــا وطــــن نــخـلات ارضُـــك بـالـعـدوگ
مــــن ريــاضُــك جــنّــه تــثـمـر راطــبــات

يـــا وطـــن حــولـك بــحـار امــن الـحـدود
تــنــطُـلُـق مــنــهــا ســفــنَّــا الــراســيـات

يـــا وطـــن بـصـمـة فَـــرَح مــاي الـدمـوع
بــســمـه بــكـتـاب الــوطــن وامـبـصَّـمـات

يـــا وطـــن لـحـظه تُـمُـر كــل عــام نــاس
ذكــــــرى تــوحــيــدك عــلـيـهـم غــالــيـات

يــا وطــن كــل جـيـل يـحـمل صـوته جـيل
ســـارعـــي لِــلْـمَـجِـد والــعـلـيـا ابــثــبـات

يـــــا وطـــــن كِــلْـنـا نِــصـيـر امـأسـيـيـن
والــنَّــهِــج نــبــنــي الأخـــــوه والـــخــوات

يا وطن ما (عدنا) عندنا غيرك احلى دار
بَــابْــهــا لـــمّـــا انــفــتــح بـالـتـضـحـيـات

يــــا وطــــن حُــرّاســك انــفــاس الــوفــاء
مــــن رِئــاتــك شــاهِـقـه ولــجـلُـك حُــمـاة

يـــا وطـــن يِِـشـعـل فــنـار ابــكـل مـحـيط
مــــن ضــيـائُـه الــسـفـن تُـبْـحُـر لـلـنـجاة

يــــا وطــــن رمْـــزِه عَــلَـم يِـشـهـد ســـلام
رايـــتــه خـــضــرا وتُــرُفــهـا الــسـافـنـات

يــــا وطــــن ســطَّـر عــلـى رايــاتـه نـــور
والـــشــهــاده امــســطّــرَه عــالـخـافـقـات

يــــا وطــــن بــتـرابُـه وجْــنــه امن الـحَـنـان
تِـــهْـــوِي لــتــرابُــه اوحــنــانِـه الــقُــبُـلات
………………………………………..
مـــــــحـــــــمـــــــد ال يـــــــــــوســــــــــف
23 ســـــــبـــــــتـــــــمـــــــبــــــر 2021

ابيات عاطفية اجتماعية

……………………………………
الـيـحـبـك مــــا اتــعـذّر بـالـمـسافات
ولا شــوقــه الُــــك خــلّـص رصــيـده

انـــت الــلـي تِـحـبـنا واحــنـا نـهـواك
وابْــحُــبــك انــــــا انـــظــم قــصــيـده

ابــيــات الــشـعُـر تـبـنـيـها لــشـواگ
تِـنْـظُـمْـها ابــنـبُـض قــلــب الْـتِـرِيـده

يـربـطـني ابـدمـا مـحـبوبي شـريـان
مـثـل حـبـل الـوصـل ربـطـه شـديده

ألِــيِـمـه ذكــريـاتـي وخِــلِّــي ابـعـيـد
يِــزيـد الــحُـب الـــم حـــب الـبـعـيده

وتـــر يــعـزف حـنـين ابـقـلبي يـنـعاد
ويــعـاودنـي الــوجــع لــمّـن اعــيـده

اشـم ريـحة نـفس والـنّفس معهود
امــيِّـز عـطـرتـه مـــن يــفـرُك ايــيـده

كـــلامــه مــــا يـبـارحـنـي ولا لــيــل
وكــــل كـلـمـاتـه بـالـمـعـنى فــريـده

ويــن الـقـى مـحـب مـثـله احـاچيـه
يـسـمـعني ويـــرِد كـــل مـــا اريـــده

والــحـب لـــه عــبـاده وعـــدّة ادروب
تــاهـت فـــي دروبـــه كـــل عـبـيـده

صــلاتــه افــــروض صــلاهـا تـراتـيـل
وتــرتـيـل الــدعــا الــحُـبِّـي يِــجـيـده

وجــنـاتـه ابـتـسـامـه وثــغــرُه بــلــور
والـلـولـو ايـتـلالـى امْـحَـلّـي جِــيـده

بـكـتـاب الـعـشگ وشـكـثر ســادات
مـــا عَــدْهْـم كــثُـر خـلّانـي سِـيِـدِه

يـبـعث لــي مــن ابْـعـيد الـمـراسيل
حــمــام الــزاجـلـه اتــقــرُّب بــعـيـدِه

خــلـيـت الــسـهـر حــبـر الـمـكـاتيب
وخــلـيـت الــظــرُف قــلـبـي ابَّــرِيـدِه

مــــن اســمـع خــبـر عــنّـه يـــداووه
طـــريــح افــــراش والــعـلـه اكــيــده

احــضــر وســمـعـه يــطـلـب ولــبـيـه
لـــو طــيـر ابـسـمـا اصــعـد وصــيـده

افـــرح مِــن اشـوفـه وتـدمـع الـعـين
دمــعــاتـي دوى ويــمــكـن تِــفــيـده

ولـيـفي مــن فـحـص قـلـبه الـدكتور
لــقـى دمـعـة فــرح تـجـري ابـوريـده

شريت امن الذهب والفضه ولماس
لـقـيت الـصـوغه فــي حـقـه زهـيده

حِــسّـادي اكــثـرَوْ وصـــارَو يِــدَبْـرون
بـعـيـون الـحـسـد شـفـت الـمـكيده

شــافـونـي شــريـت اورود بـسـتـان
افـــــرش بـــالــورد خـــلّــي مَــدِيــدِه

مـــا اهــتـم الـيـهُم هــذي لـشـكال
وصـــــارت نــظـرتـي لــيـهـم بــلـيـده

لــو تـبـعِد نـظرها الـناس عـن نـاس
حـيـاتي اتـصـير مَــعْ خِـلِّي سـعيده
……………………………………
ابــــــــو مــصــطــفــى ال يــــوســـف
7  شـــــــــــعـــــــــــبــــــــــان 1442 هـ
20 مـــــــــــــــــــــــــــــــــــــارس 2021