في حب البلده الحميله سنابس مع شي بسيط من الغزل.
التجليبه
……………………………………………
انا ابليل الاحبه ما عرفت النوم
سهران ابحياتي اوما شفت لده (لذه)
ساعاتي تمر وحسبها كلها انهار
لو جفني غفى عالعين شيمِده
ولهان اعلى شوفة كل حبيب الغاب
اقول الغاب يمتى ايصير اله رده
اخاف اعلى الهوى لو نمت يحبابي
ذرات الهوى من صدري تتغذى
يعرفني البحر ما نَزَف منِّه الماي
ادّيرَه تِحِضْنِه اوصدري اله سدَّه
غالي اتراب ارضچ والوسيعه انتين
وآنا اعلى ترابچ اسعى للكدّه
حبي للورد مو للهوى ولكيف
عندي اشگد ورد لكني ما عِدِّه
اخاف امن الرياح اتهب تثير اتراب
ازرعها الترب وَحْبسها بالورده
لو صليت اسجد عالتراب ابهون
وادعي الديرتي وابحالة السجده
واطيور الحمام اتنام بين الناس
تألف من تحصِّل بيت للرّقْده
من اسمع طيور اتغرد ابالحان
اقرّب عالشَّجر واتسمّع النشده
لان صوت الهوى لو لامس الاغصان
يجمع من حفيفه اويجمع الغرده
وابساحل سنابس انتظر بالشوگ
اتريّه حبيبي والوقت عدّى
بحرت ابزورگي اطرد ورى المحبوب
محلاة الزوارق بالبحر طرده
اذكر من يجينا بالبراد الصيف
نفرش عالبحر سجاده للقعده
حياة البر جميله والطيور اشكال
صياد الطيور ايحدها عالزنده
تجمعنا المحبه والقلوب ابيوت
ما واحد طرق باب القلب ردّه
فرحه تكتمل ولأم دخَلْها اسرور
لمّن نجتمع نجلس على المدّه
زمان ابخاطري اتمنى شي ويصير
اشوف ابعيني كوكب ديرتي قدّه
فوگچ ما يحل ابدن ظلام الليل
لان مثل الكواكب نورها اتوقده
من اترابچ بنينا ابيوت ولفرقان
بنيناها من العيدان والجرده
من وقت الضحى تتوارد النسمات
هوى الريّه تزَوّد من هوى البلده
تعجز مفرداتي توصف النخوات
اشوف ابديرتي قاموس للنجده
تجمعنا المحبه انعيش كلنا ابخير
والشر عن بيوت احبابنا اتبعده
أنَا بالصيد اتسلى وجيب اودام
وشتاق امن اشوف العيش والزبده
دايم بالمثل لعيون فيها اكتاب
مو كل من قرا يقدر ترى ايسرده
من شرط الغزل فيها حَوَر لعيون
وايكون ابطرفها يقتل ابحدّه
لكن ديرتي كلها بحر لطراف
من دون البحر لطراف متجرده
لايزعل وليفي ما امدحه اشلون
هم آنا امدحه وبالبحر ابدى
دانات البحر القاها بالمحّار
بس انا حبيبي دانته ابخدَّه
……………………………………………
ابو مصطفى ال يوسف
25 ربيع الاول 1440 هـ
2 ديسمبر 2018
