Tag Archives: 2018

في وفاة السيدة الزهراء عليها السلام

………………………………………………

من باب البتوله .. تتعدى الجهوله

نسأل وين ابو اليمه وحامي الجار

………………………………………………

 (1)

كِنِت بالدار اهجد ولخطر جاري

قصدت الباب بويه اولابسه اخماري

سمعته ايقول لشعل بالحطب ناري

قِلْت اولادي عندي اوكلهم ابداري

جاوبني وَ إن بالقسوه والسوط

بن عمِّچ علي يخرج بلا اشروط

لابد نستضيفه .. بالشورى السقيفه

لو باب الحطب تنضرم بيه النار

………………………………………………

 (2)

وَهْلَه ما عطوني وآني خلف الباب

وابقوه انشلع بابي من الاعتاب

صُحْت ادخول داري حُرْمَه عالاجناب

عصرني او بالعصر صدري يبويه انعاب

كَسُر حسيت يابويه بلضلوع

صدري انجرح والمسمار مزروع

سَنَد بالباب ظهره .. عصرني بويه عصره

وقت اللي عصرني وكّز المسمار

………………………………………………

 (3)

ظلمني اللي هجم والعين معصوبه

يبويه كشفت الايام ملعوبه

غمز حقي وقرا كل آيه مقلوبه

حرقَ لكتاب ويّا سورة التوبه

من جنس العمل يلقى عقابه

وابقلبه حقد فاقد صوابه

بعيده التوبه عنه .. قريبه النار منّه

صب حقده اعلى طه وآلِه الاطهار

………………………………………………

 (4)

حيدر من دخل داره لقى الصمته

ولحجره تصخ من شدّة السكته

بمصلى البتوله السبحه منفتّه

وابوسط الرحى ما انطحنة النبته

حال المرتضى يصعب اوصفه

قلبه منقبض بفراق وُلْفَه

قلبه ابهالمصيبه .. شي ايطفي لهيبه

نظرات الحزن تقتل علي الكرار

………………………………………………

 (5)

بوصف لُك اجنازه اوهيبة المنظر

جهه ابجنح الملايك وابجهه حيدر

شِفْت املاك ترفع ماي بالكوثر

وضلاع النهر من يجري تتكسر

والعِلَّه بِلَضلاع .. تصرخ اه بوجاع

واجنازة الزهرا الليل ليها استار

………………………………………………

 (6)

شيعه امن الولاده والله خلانا

أُمْنَا اعلى البواچي ربت ابچانا

امَر الله الوحي بالزهرا ينعانا

نعزي المرتضى هاليوم مولانا

وابأرض النجف تتوافد الناس

اييد اتعزي حيدر اييد عالراس

نعظم لك اجينا .. اجرك يا ولينا

وانقيم العزى تستأذن الزوار

………………………………………………

 (7)

زلزال الصحن من لطمة انصارك

لو تفتح صدرها تلقى اسرارك

سر قبر الوديعه ابصدر زوارك

افتح يا علي لقلوب فقارك

بس اسمك يحيدر تلقى مكتوب

حبك هو ذنبها عنّه ما اتوب

شوف الحدَّه بيها .. تنبض من نعيها

حد اقلوبها من حِدَّة الفقار

………………………………………………

ابو مصطفى ال يوسف

23 ربيع الثاني 1440 هـ

30 ديسمبر 2018

في فقد الزهراء واهاتها على ابيها المصطفى عليهم السلام.

…………………………………………..

ثامن العشرين ابصفر .. مات النبي واحنا ابخطر

والحسره تسبق دمعتي

…………………………………………..

 (1)

دارك يبويه موحشه .. من غاب نورك وانطفى

والدنيا خلتني ابحزن .. دمعي اعلى موتك اذرفه

وحي اللي عد بابي نزل .. يقصد ابابي المصطفى

من بين لضلوع احْتَبَس .. قلبي وكنت له العاطفه

ضيق الصدر ماله دوى .. موتك قطع عنه الهوى

ما تسوى دونك دنيتي

…………………………………………..

 (2)

تتأذى من حزني البشر .. واتأذي قلبي الملتهب

ظليت اخفي دمعتي .. والدمعه خافت تنسكب

ظِل الاراكه ما رضَوْ .. اجلس ابظلها ونتحب

من بعد ما اذّو علي .. قطعَو الاراكه ابأي ذَنِب

صدري من احزاني اختنق .. قُطْعَو الاراكه والورگ

يابويه هاذي شكوتي

…………………………………………..

 (3)

اولادي من حالي ترى .. يتمنو لحظه الشوفتك

والعاده من بيتي تجي .. بويه تِقَبل وجنتك

واليوم جلستهم صفت .. نفس المكان ابجلستك

واحسين يسأل للحسن .. خليني امسح دمعتك

بالدار جَلْسَتهم بقت .. لرواح وياك اعتلت

قطع دمعهم مهجتي

…………………………………………..

(4)

آذوني يابويه ابضرب .. لمن رحت خلف الولي

ناديتهم عندي طلب .. ارجع ونا بيدي علي

جاوبني لابد بيعتي .. من حيدره يالتسألي

همّيت بويه للدعا .. حيدر يقول اتمهلي

قبل الدعا لا تنشره .. سلمان رِد للطاهره

خبُّر الزهرا ارسالتي

…………………………………………..

 (5)

يابويه صدري ايألمه .. كسر الضلع ما ينجبر

ضلعي اعلى ايدي متّكي .. لنّه ابصدري منكسر

خوفي يِحِس بي المرتضى .. وابحزنه قلبه ينجمر

وابخدي آثار اللطم .. والعين حَمْرَه اوتستعر

عمري علاماته قَضَت .. ليّه المنيه قَرُّبت

تمشي المنيه ابخطوتي

…………………………………………..

 (6)

وانا على افراش المرض .. ناديت اسما الفاضله

قلت الها بدخل حجرتي .. بدعي وصلي النافله

اولادي بس ساعه ويجو.. قولي ابتعبها ناحله

ناديني لو ما جاوبت .. عرفيني اسما راحله

نادتها اسما بالعجل .. والزهرا سكَّتها الاجل

آه اعلى فَقْدِچ سَيْدَتي

…………………………………………..

 (7)

اه اعلى حال المرتضى .. شاف الوديعه اموسده

والوَنّه جرها من عرف .. عين البتوله امصمده

وختنق صدره من بِچى .. سلمان عاتب سيده

قلَّه يسلمان الجرى .. ضلع البتوله اوناشدَه

اييد البتوله اعلى الضلع .. مكسور لكن منشلع

وسط الصدر من زهرتي

…………………………………………..

ابو مصطفى ال يوسف

14صفر 1440 هـ

23 اكتوبر 2018

في ذكرى رحيل ام ابيها عليها السلام.
…………………………………………….
نازل جبريل يروي لي .. عالزهرا آه واويلي
…………………………………………….
(1)
يصعد ملك ينزل ملك يِتْظَلّم
من يِنْسِئِل عن دمعته يتكلم
للزهرا صرخه تنسمِع تتألم
كسرة ضِلع منها الحجر يتفلّم

لملاك ابحال مذعوره .. مشهد بالصوت والصوره
شافت مَشْهَد لجدار .. معصوره ابدون استار
عالزهرا آه واويلي
…………………………………………….
(2)
صرخه اعتلت لام الحسن بالكونين
صبّت دُموع اعيونها حور العين
شافت الحمره اتوهجت بالخدين
شافت جُرح ينزف صدر لام احسين

نادت والصوت يِتْعَلّى .. ياربِ اطّيب هالعله
ردْ الصوت يَحْباب .. جرح ابصدري ما طاب
عالزهرا آه واويلي
…………………………………………….

(3)
بانت علايم والشهب كتلة نار
هبت رياح العاصفه والإعصار
نزلت غيوم الفاجعه ولأكدار
غابت شمس إفْلَت جميع الاقمار

وقفت لجرام مذهوله .. صارت بالكون مشلوله
لفلاك ابلايا نور .. يبچي اوياها الديجور
عالزهرا آه واويلي
…………………………………………….
(4)
عاشت بعد فقد النبي حزنانه
علمن غصب حق الوصي غضبانه
ظلت اعلى افراش العلل مرضانه
لزمت الغرفه وبالدعا ترعانا

تدعي الرحمان واطِّلْبه .. ياربي اعليك مي صعبه
تغفر ذنب الشيعه .. هالوفَّت بالبيعه
عالزهرا آه واويلي
…………………………………………….
(5)
حيدر لزم دارَه وقِت لِمْصيبه
زايد اهمومه والحزن وانحيبه
والزهرا قدر المرتضى تدري به
حيدر وصي بين الخلق ترتيبه

من ارحل تالي غسلني .. طلعني ابليل وادفني
حسن واحسين اشهود .. وحضنهم لمّا اتعود
عالزهرا آه واويلي
…………………………………………….

(6)
خبّر نبينا بالوحي جبرائيل
ترحل مناره للذكر والترتيل
قلِّي على من هالخبر بالتفصيل
قلَّه ام حسن بعدك يَرُوح التنزيل

ترحل واجروح كم بيها .. لطم الوجنات ياذيها
ناحت واعليك اتنوح .. ممنوعه اومو مسموح
عالزهرا آه واويلي
…………………………………………….
(7)
ينصب عزاها المصطفى يتمنى
هلت دموعه واختفت له الونه
شاف الجنازه والنعش يدّنّى
لن اربعة املاك ترفع جنّه

نزلت بالجنة عالهوده .. لِحْدَت بالروضه ملحوده
واتزلزل كله الكون .. عالزهرا اويلطمون
عالزهرا آه واويلي
…………………………………………….
ابو مصطفى ال يوسف

 7 جمادى الاولى 1439 هـ

 24  يناير 2018

في وفاة فاطمة ‏الزهراء سلام الله عليها

………………………………………..

زلزل الوادي .. صوت للهادي

عندي قبر الزهرا صاير يالتزورونه

………………………………………..

(1)

يا شهر لجمادى ماتت فاطمه ابلوعه

والصدر منها تهشم كِسرَو اضلوعه

قضّت ايام ابعمرها ابألم موجوعه

واللطم تارك ابخدها حمره مطبوعه

لَطمة الخدين .. وصلّت للعين

ولّطمها ما رحمها عميّت اعيونه

………………………………………..

(2)

لا وجنها لا صدرها تقدر اتشافيه

كانت ادّاري جرحها ولأثر تخفيه

بالخمار اللي عليها دايم اتغطيه

عن نظر حيدر جُرحها همَّها اتواريه

لو رفع لخمار .. يلزم الفقّار

تعرف الزهرا فقاره ما يهزمونه

………………………………………..

(3)

لزمت الدار الزچيه اوزادت العلّه

نادت الكرار حيدر وصَّته اتقلَّه

بالنهار ارحل اودفني لابد اتأجلَه

من يهل ليل المصيبه للدفن خلِّه

واللي ظلموني .. لا يشيعوني

شكوتي لله عليهم ارثي يِنْفونه

………………………………………..

(4)

يهمل الدمعه اعلى خدّه وعالقبر تاره

دمعته من تجري حيدر تكشف اكداره

وابلحد قبر الزچيه يلحد اسراره

يعمل ابأمر الوصيه ويخفي آثاره

من رجع للدار .. دمعته مدرار

تفضح الدمعات حيدر سرّه بعيونه

………………………………………..

(5)

وين شالع باب خيبر قوته اوباسه

يرتجف من رجع داره ولعتب داسه

من وصل باب الوديعه لامسه ابراسه

ظلت الحسره ابصدره خنقة انفاسه

وقّف اعلى الباب .. من وصل لعتاب

وَقْفَت الكرار صعبه لو تشوفونه

………………………………………..

(6)

لحظة اموادع الزهرا تشتكي لوجاع

زينب ابحضن الزچيه والقلب ملتاع

اييد عالاولاد تمسح اييد عالاضلاع

حولهم حزن الملايك تبچي عالاوضاع

بالحزن والنوح .. والدمع مسفوح

ولقلوب اعلى البتوله كلها محزونه

………………………………………..

(7)

داخل الحجره تصلي والالم مكبوت

اتمددت للقبله تالي واكتمل لقنوت

غمَّضت عين الزچيه والدعا مخفوت

غاب صوت الهاشميه بس حضرها الموت

بالدعا هامت .. عالنعش نامت

والنعش للزهرا قوموا يالله شيعونه

………………………………………..

ابو مصطفى ال يوسف

18ربيع الثاني 1440 هـ

25 ديسمبر 2018

يا عُظم الرزيه .. بالدار الزچيه

ماتت والوجن مسطور .. تلعن مِن سَطَر

………………………………………….

(1)

ضلوع الزهرا مكسوره .. ولا ظن تنجبر

واباب الحطب مسمار .. ناشب بالصدر

والمحسن سقط بالحال .. لَنّه يحتضر

نادت فاطمه ابفضه .. لبّت للطهر

يا فضه ادركيني .. شوفي اوخبريني

خدي اللي سطر عرفيه .. شوفي اللي جسَر

………………………………………….

(2)

بيت الزهرا ظل معروف .. ببيوت العرب

يستأذن رسول الله .. من عند العتب

من يدخل عليه جبريل .. عارف بالسبب

باب الزهرا من وصلوه .. حاطوه ابحطب

بنتك روعوعها .. والله ما رعوها

من وقفت سَتَرها الباب .. حسّت بالخطر

………………………………………….

(3)

دار الرحمه والايمان .. دار ام الحسن

من بعد النبي المختار .. صارت بالمحن

باتت بيها محزونه .. ذوبها الشجن

تبچي طه منعوها .. عادها الزمن

حسّو برتباكه .. قُطْعُوها الاراكه

حسّو من بچي الزهرا .. بركان انفجر

………………………………………….

(4)

طبع المصطفى كل يوم .. للزهرا يمر

من يدخل عليها الدار .. قبَّلْها الطهر

من بعد الحنان اليوم .. دخان الجمر

جمرات الجهل بالباب .. ظلت تستعر

باب الدار عيبه .. ما ايداري الحبيبه

لاذت بيه وادّارت .. لكن من حذر

………………………………………….

(5)

لما الزهرا للكرار .. صارت تنشده

نادت فاطمه الحيدر .. يا عظم النِدا

وقت الهجمه بو اليمه .. لازم مسجده

لله المرتضى ساجد .. يدعي اويعبده

وابروحه صلاتِه .. تتعلى ابسَمَاتِه

الله امقدر المكتوب .. يا عظم القدر

………………………………………….

(6)

ابحث بالارض والكون .. واعرف نشأته

قبل الدنيا بس موجود .. طه اوعترته

من غير البتوله اتصير .. امه اوبضعته

ما يوقف رسول الله.. الّا الولدته

وفعالك يا طه .. للامه مداها

قلوب ابلا وعي وقفال .. بصدور البشر

………………………………………….

(7)

رَاوَاها الدهر محنات .. ماتت واجده

وابارض البقيع اقبور .. ليها امعدده

وصّت تندفن بالليل .. تشكي اللي اعتده

لليوم القبر له انزور .. غايب مشهده

يمتى يمِّه نقرا .. من نبچي يزهرا

نحمل للزچبه اهموم .. من ضيم الدهر

………………………………………….

ابو مصطفى ال يوسف

13صفر 1440 هـ

22 اكتوبر 2018