Tag Archives: 2018

……………………………………

وَقَفْت اعلى البقيع انظر للقبور

شِفِت منظر حجر والعين شَدْها

قِلْت اشلون منظر مبني بحجار

قِمْت احسب لِلِحْجَاره وعدها

لحجاره اصلها من هالتراب

ذرات الترب يصعب جَرِدْها

من خلف الحجاره تظهر اقمار

واشموس ابسما تصعد بَعَدْها

وانت ابكل جهاله توضع استار

تظن لقمار بستاره تِسدها

هم نور النبوه الضوّه هالكون

جدهم للشمس بالكون ردها

حيدر للتّصدُّق جاه لِرْكوع

تالي اتْعَنَّتِه السجده اوسجدها

مو وجه المحب مكويّه بالنار

ترى ابسور البقيع الناس خَدها

خايف تظهر اعلى الناس بسمات

تريد ابفعلتك تكسر سعدها

خايف بالمدينه ننصَب اخيام

فوق اترابها يثْبَت وتدها

خايف بالبقيع العالَم اطّوف

على قبر الحسن يظهر وجِدْها

خايف تنعرف لام الحسن باب

وانت ابفعلتك تمنع وِرِدْها

خايف بالزياره تعرف الناس

قبر الزهرا من حيدر لَحَدْها

خايف بالمنابر نرفع الصوت

نعَزِّي فاطمه الطه فَقِدها

ندري اتخاف من اييد امِّ لبنين

لمن اييد للزاير تمدها

وَفَّايَه الجميع الناس بالحال

من نوصل قبرها ما نِهِدها

لا اتأخُر نذر للحُرّه منذور

لو تنذر نهر بالجنّه بَدْها

تِظِن سَدّيت عنّا ماي لنهار

اساس الماي من عباس عِدْها

لنَّك جاهلي منسوب من بيت

تنفث في العقد وانت حسدها

زوار البقيع ابمعرفه اتزور

من خلف الحجر تقصد مجدها

من يوم الوصي كسَّرها لصنام

صارت عالارض ماحد عبدها

قلبك منعمي اومتروس بضغان

وابعينك غِشاوه من رمدها

احنا انشوف غرقد يسطع ابنور

نور ارواح بس خافي جسدها

ترى ابوسط البقيع الزهرا بشموع

تشعلها ابأمَل يظهر ولدها

…………………………………………

ابو مصطفى ال يوسف

20 ذو القعدة 1439 هـ

2 اغسطس 2018

……………………………………

فدك مكتوبه كلمه من ثلاثه احروف

حرف الْنِشْرَحُه قاموس يِتأوّل

فاء الكلمه ترمز فلك لو فعلين

فعل واحد نِكِتْبِه قصه تتفصل

اصحاب النبي من زادت الأوجاع

تِدْري لو رحل من بعده يِتْمَثَّل

قال اوصيكم العتره فلا اضِّلون

حَبِلْهم من مَسَك ما راح يتْزلزل

كتاب الله اذا وَيَّاهم اتْمِسْكون

بيهم حافظ الله المصحف المُنزل

اوّل فعل رادت تمحي اصل الدين

قالت هَجَر هادي الأمه هَم يرحل

ثاني الفعل لابد من نِجي نِقراه

نذكر فاطمه للباري تتوسل

تنادي يا الهي حقي من غُصْبوه

ما ضاع الفدك رابع علي اتبدل

مو قصة فدك ولإرث من نِكْروه

قَصْد الْلي نَكر يِنكر علي الأول

فدك تِعرف احْدوده فاطم الزهرا

تِدري اوعالِمَه لِعْقول ما تِقْبل

لِأنْ كلمة فدك تحوي اشكثر اسرار

ما يِكْشف امرها الّا النبي المرسل

لو تِبدي تِعد ام الحسن لِحْدود

عند المنتهى والسدره هم تِشْمَل

لكن والنهايه اشلون بس تنقاس

نسأل يا عَقِل وابْيا بُعُد يُوصل

خذ كل هندسات الكون ولحاسوب

وارسم بالعقل ان قَدَر يِتْخيّل

لا تحسب فدك موروث من لتراب

والزهرا هدفها امن الإرث تِسأل

تِسأل حق علي امر الولايه اتريد

نعمه البيها صار الدين واتْكمّل

فدك رمز الولايه تدري ام احسين

رادت هالأمر عالأمه ما يُغْفل

لَمَّن فاطمه انّت ابْوَسْط القوم

يدرو من زعلها الباري هم يزعل

صِدّيقه وبتوله وام ابُوها اتصير

نبي الله فَداها يعني روحه اتْظَل

نحلها المصطفى ارض الفدك بستان

شَرَط عالزهرا بالبستان لا تذبل

إرِثها ابحكم ايه واضح القرآن

ليش الحكم بس عالزهرا يِتْعطل

سُليمان النبي ورّث نعم داوود

واضح بالشريعه الإرث وامْفَصل

خوف القوم من قصة فدك معلوم

مو قصة إرث والمعنى بالمُجْمَل

اذا تقبل فدك للزهرا إرث ايصير

هم إرث الولايه الْحَيْدره تِقْبل

……………………………………

ابو مصطفى ال يوسف

3 جمادى الأولى 1439 هـ

20 يناير 2018

…………………………………

تتمنى الحجيج ابيوم ينشاف

اساس البيت لكن تدري صعبه

حول اجدار بيت الله يطوفون

والريح ارفعت كسوة الكعبه

تاليها انكشف للناس ولحال

بين اللي يطوف اويدعي ربه

مدهوشه تشوف اجدار مشقوق

مرصوصه الجدر بحجاره صلبه

للكعبه مع الكرار تذكار

شُق لجدار صار اوياه صُحبَه

واحنا حسين من يِنْذِكِر لستار

نذكر خوفته ينهتك گُـرْبَه (القرب)

لكن من رحيله كربلا اتكون

كعبه اوتتبع الزوار دربه

من صنف الترب تتكون احجار

يظل اصل الحجر من كان حصبه

لسجود ارتبط بحسين بتراب

صارت للسجود اهناك تربه

………………………………….

ابو مصطفى ال يوسف

10 ذو الحجة 1439 هـ

21 اغسطس 2018

……………………………………….

لو ردنا نُعَّرف صبر آل البيت

نذكر بيت للزهرا انحرق بابه

وقت اللي اندفع بالقوه ولمسمار

تُوَغّل بالصدر للزهرا بصوابه

صرخه واعتلت من نادت ام احسين

ضلعي انكسر محسن فارق احبابه

نسمع هالروايه واحنا كلنا انقول

وين المرتضى نسأل عن اغيابه

جواب اللي انْسَأَل ما غاب يالاحباب

جالس والوصيه تذكر اسبابه

لو قام الوصي يتصدع التكليف

حيدر ليث حربه تعرفه الغابه

علي اوّل ابخيبر هزهز الاركان

تالي الباب شاله اوشلّع اعتابه

صَبُر المرتضى وبصدره ظل اجبال

ما يهوى الجبل لن حيدر اترابه

مرت على العتره كل فصول الموت

منها فَصِل قتل احسين وصحابه

بين اللي انقتل مسموم ولّا ابسيف

سبي الزينبيه اوحرق لطنابه

مصيبة فاطمه الزهرا فَصِل لحزان

كل معصوم درسه يعطي طلابه

صبرنا نمتثل نترجى للموعود

يِخْلَص هالصبر والمهدي ادرى به

شللي ايعجل المهدي على لخروج

اي اعظم مصيبه يقرا بكتابه

من ذاك الزمن ما ظل عذر موجود

يكفي هالسؤال وعطني اجوابه

……………………………………….

ابو مصطفى ال يوسف

6 جمادى الاولى 1439 هـ

27 يناير 2018

ابيات مستوحاة من حكمة لامير المؤمنين عليه السلام
” من اغتر بمسالمة الزمن اغتص بمصادمة المحن “

ما اتغير زمن ما اتغيرت هالناس
لكن ما قرت للمرتضى حِكْمات

حكمة اوقالها حيدر علي الكرار
لا ايْغُرُّك امْسَالَم للزمن هيهات

ترى لِمْسالَمَه يعني تحب العيش
والعيشه ترى بيها اشكثر محنات

………………………………

ابو مصطفى ال يوسف

8 ذو الحجة 1439 هـ

19 اغسطس 2018

…………………………………

اتْخَاطُب كربلا من كان بالكوفه

تضرب له المناصب الف ولف احساب

وينك بن سعد شو ما تعد الناس

غلطان ابحسابك من عطيت اجواب

عَدّدْهم شمر لك قال بس سبعين

هذي بس عدد لنصار ولأصحاب

ولأبواب كلها اللي ابصحن لحسين

كانت من رمال اتحيط بالأطناب

جرفها السيل وقت السال دم احسين

صيغت بالذهب والتربه من لتراب

ارجع كربلا وانظر لجيش احسين

من كل باب تدخل للضريح اسراب

اطلع من جهنم خلهم ايراووك

شوف البصحن كم صلى بالمحراب

شوف الصافحت ايد البطل عباس

كِذبَو اعليك قالو قمر هاشم غاب

ايه عباس غايب بس نسو ايقولون

غايب لن وَقِتْها ايصافح الاحباب

دقق بالنظر والتفت صوب احسين

شوف الحضرته ماحد قصدها اوخاب

منظر لو تشوفه الف موته اتموت

كل زاير تِقَبِّل شفته الاعتاب

اكتاب الرّيْ عطوك ابعقلك انجنيت

من زود الجهاله ما قريت اكتاب

لو تعرف قراءة باب للتاريخ

مُلْك الرّيْ فدك تتشابه الابواب

…………………………………

ابو مصطفى ال يوسف

28 جمادى الثانية 2018

16 مارس 2018