Tag Archives: 2017

في حق السيدة زينب عليها السلام ووقفتها الشجاعة امام طاغية زمانها

………………………………….

صعدت على تل الرزيه

خافتها كل اجيوش امَيّه

………………………………….

 (1)

زينب اجت كربلا .. تحمل رساله

اوّل أمُر تحمله .. أمر الكفاله

عدها علم بالأمر .. تعلم مآله

بنت العلا شامخه .. هيبه وجلاله

ما تنحني لابن الدعيّه 

خافتها كل اجيوش امَيّه

………………………………….

 (2)

زينب صبرها خطر .. ماحد قرب لِه

وتحف خدرها حُجُب .. ما حد وصل لِه

نهج البلاغه لغز .. زينب تحلّه

والتل علت مرتفع .. ما تشكي علّه

تحمل شمايل هاشميه

خافتها كل اجيوش امَيّه

………………………………….

 (3)

صوت اعتلى بالفلا .. ماحد درى امنين

نشدت ثلاث الولي .. ادركنا يحسين

جاها الندى منصرع .. ياللي تنادين 

نزلت تهم ابعجل .. لابن الميامين   

من فوق تل الزينبيه

خافتها كل اجيوش امَيّه

………………………………….

(4)

واجِب لِعَبّاس تُمُر .. ودها سماعه 

مرّت على العلقمي .. تطلب وداعه

من وصلت تسمعه .. عندي قناعه

زينب ربيبة علي .. نفس الشجاعه

ختنا ابحمى لو هم سبيه

خافتها كل اجيوش امَيّه

………………………………….

 (5)

قصدت لعند الولي .. تاخذ مشوره

عندچ مهام اشكثر .. يختي صبوره

تحفط بنات النبي .. تحفظ خدوره

دورچ مثل فاطمه .. للحق غيوره

من تلبس اثياب الزچيه

خافتها كل اجيوش امَيّه

………………………………….

 (6)

لِشّام زينب قَدَر .. خطّت قدمها

شافت وضع مضطرب .. عاللّي حَكَمْها  

حُكْمَت ارضها شهر .. صارت بسِمْها

اوّل حكُمْها صدر .. عاللّي ظلمها

رفعت على ايزيد القضيه

خافتها كل اجيوش امَيّه

………………………………….

 (7)

ذاكَ يزيد الأشُر .. يشمت بخاها 

ظن بالسّبي ولأسُر .. يكسر علاها

ظن قِيدها بالحبل .. چتّف يداها

كل كلمه زينب سهم .. تنطق شفاها

من شافَوْ موقفها الابيه

خافتها كل اجيوش امَيّه

……………………..

ابو مصطفى ال يوسف

13 محرم 1439 هـ

3 اكتوبر 2017

اربعينية الامام الحسبن عليه السلام

………………………………………

ونُّك يجابر بالهون .. وصلت تراها لضعون

جابر نحيبه .. زاير حبيبه

………………………………………

 (1)

جابر تِعَنَّى الكربلا يقصد وين

يِمْشِي ابونينه اوْدَمْعَتِه اعلى الخدين

حن ابحنينه وختنق صدر الدين

من صَرْخِتَه يَحْسين يَحْسين احْسين

شَم ابنحيبه .. خدِّه التريبه

جابر يِشِم بيده اتراب .. لوعه ابْفُرَاق الاحباب

زايد نحيبه

………………………………………

 (2)

ابوادي الطفوف اتحيرت نظراته

لمن وصل جابر علت زفراته

حافي مشت تالي الدرب خطواته

ظل يغتسل ولماي ماي افراته  

دمع اليهيله .. ينزف دليله 

جابر لِبَس بيض اثياب .. والطيب احلى الاطياب

زاير حبيبه

………………………………………

 (3)

جابر طلب من صاحبه ينشد ليه 

قبر الولي من نُوْصَله تِلـْمَسنيه

لمن وصل هم ابعجل طاح اعليه

نبض القلب چنه سكت من حس بيه

بانت علامه .. نبره ابكلامه 

من طيحته چنه مات .. قَلْبَهْ اوقفت له الدقات

ينشد طبيبه

………………………………………

 (4)

يوم التقى جابر ابركب السجاد

قَلِّه يبو الباقر عزاك ابلمجاد

ليتك يجابر جيت شفت الاجساد

تنزف دما متخصبه امن الأوداج

يوم ادفَنِتْها .. صَعْبه اعْرَفتها

نايم طفلنا اعلى البييد .. محزوز بالسيف اوريد

والله عجيبه

………………………………………

 (5)

ابثالث عشر جاني يجابر مرسوم

امشي الطفوف ادفن جسد للمعصوم 

حفت ملايك من وَصلْت المظلوم

ولحود محفوره اوسدرها المشموم 

بس الملايُك .. ترفع ارايُك

تمشي وُتَعَلّي الصيحات .. للذله تهتف هيهات

تقرى المصيبه

………………………………………

 (6)

شفنا ابيسرنا الناس تعبد لصنام

كلها البِسَت ذله ابوجود الظلام

هزتها زينب عمتي ارض الشام

بعد الجهل لَبْسَتها ثوب الاسلام

زينب تراها .. تكفل اخاها

زينب سَلِيلَت طُهْرين .. تكفل رسالت لحسين

حرٌه اونجيبه

………………………………………

 (7)

ابهاي الارض نامت رجال التوحيد

ابهاي الارض شبان ضحّت بالعيد

ابهاي الارض فرّت خواتي بالبييد

ابهاي الارض للدين ظل ركنه ايشيد

دم الشهاده .. شيّد عماده

نور اليشع فوق اسماك  .. يضوي ابمداه الافلاك

شِيبِه الخضيبه 

………………………………………

ابو مصطفى ال يوسف

18 ذو الحجة 1438 هـ

9 سبتمبر 2017

تجسد المواقف البطوليه للسيدة زينب الكبرى عليها السلام التي سطرتها اثناء مسيرتها بين العراق والشام.

………………………………………..

وصلت للشام اوراق .. زينب تِحْمِل لعراق

اول موقف .. ليها تهتف .. كل احروف القرآن

………………………………………..

 (1)

تحمل زينب نور العصمه .. تضوي باب الساعات

وَقْفتها هيبه موْ ذِلَّه .. تنطق اسمى الآيات

مايِنْقص زاد ابْمَحَملها .. تتصدق عالشَّامات

اخْذَت من زينب كافلها .. جوده مليانه افرات

زينب من تحچي اتريد .. تنشر اصل التوحيد   

من تتكلَّم .. زينب تعلَم .. كل احروف القرآن 

………………………………………..

 (2)

ظنّت قوم القِتْـلَت خَيْها .. دِفْنت اصل الاسلام

اخْذَت من مَنْبَر للزهرا .. كل منطوق الاحكام  

زينب وِبْنَمطق والدها .. هدّت رمز الاصنام

وُقْفت مثل احسين ابعزَّه .. اوقالت هيهات انضام

نهضتها ابْـلَيَّا سيف .. وِمْن احسين التكليف

لمن تخطب .. زينب تعرب .. كل احروف القرآن   

………………………………………..

 (3)

مجلس بالكوفه دخلتها .. فضحت زيف ابن زياد

ظل يِتْشَفَّى ابقتل اخوتها .. يربط بيها الاصفاد

بسم الله لمن نطقتها .. كل المجلس أشْهَاد    

ولخارج عن دين الملّه .. يِنكُر الله ابْألحاد

حيدر بويه الكرار .. جدي النبي المختار

تحفظ وحيِّه .. تنطق آيِه .. كل احروف القرآن

………………………………………..

(4)

هزمت جيش ابوسط الكوفه .. عرّت زيف الملبوس 

قِلْبت مجلس كان الطاغي .. قاتل كم بيها انفوس

رفعت ثار احسين ابقصره .. دقت ليهم ناقوس

تعجز من توصف هالمنظر .. كل احروف القاموس

شِرْحت وِشْبيهم صار .. بيت النبي الاطهار

الله ابْرَحْمَه .. بيهم سَمَّى .. كل احروف القرآن    

………………………………………..

 (5)

شَيّد مسرى زينب جنّه .. بين الكوفه والشام 

كل خطوه صارت تمشيها .. فضحت فعل الظلّام

كل ما مَرْ موكبها ابديره .. نشرت دين الاسلام

والشام الكانت مسروره .. نصبت مآتم كل عام 

وي زينب ظن الناس .. چن اوْياها العباس

وَيَّا الغيره .. تمشي امْسِيره .. كل احروف القرآن

………………………………………..

 (6)

للطاغي دعوه خطتها .. تِفنى اوْلِحْدَك مدحور  

ما تبقى الشام ابزهوتها .. يِمْحَى ابجورُك لِقْصور   

وَحْيَ الله المرسل قالتها .. جَدْنا طه المرسول

نادت ولعالَم سِمْعَتها .. صارت مشهد لقبور 

جنه وتقصدها الناس .. بين احسين اوْعباس

مشهد عصمه .. ترسم وَسْمَه .. كل احروف القرآن

………………………………………..

 (7)

وُصْلت قبر الهادي اوطاحت .. تذرف دمعات العين

تُِوْصف حال اشلون اخْوَتْها .. فدوه راحت لحسين

قالت ياجَدي وصحابه .. يفخر بيهم هالدين

والدين اتِعافت اركانه .. والشام ابها امصلين

والطفله برض الشام .. نامت بحلى الاحلام

وسط المشهد .. تنعى المرقد  .. كل احروف القرآن 

………………………………………..

ابو مصطفى ال يوسف

4 ذو الحجة 1438 هـ

25 اغسطس 2017

…………………………………………

كل اللي جرى مسطور .. احسين إلْكاتب الدستور

من عاشُر .. اله ساطُر .. من نحره ارتوت اقلام  

…………………………………………

 (1)

ابقاموس الكرامه الذله محذوفه

زينب هزْمَت ابن ازياد بالكوفه

دارت كالرحى هم طحنت اصفوفه 

صَرْخَت يا عَلي قَصْرُه انْهَدَم طُوفَه

بعد ما وجهت توبيخ .. حِذْفَتْهُم من التاريخ

الف وسفه .. ضرب چفَّه .. ابن ازياد ابمذله هام 

…………………………………………

 (2)

لابن ازياد زينب ظلّت اتناديه

إرْجَع للذُّكُر تِفْهَم اذا قاريه 

بارينا الذُّكُر من حافظ امخليه  

حيْ بِينا الوحي والذكر ما تمحيه

قِلْبَت مجلِسَه طوفان .. من بعد الفرح بحزان

نُفُوس إلْهُم .. تحس انهم .. ذنوب إرْتِكْبت وآثام

…………………………………………

 (3)

تقرأ المصحف ابتجويد واتفسرَه

تعرف مِن تِخَاطب زينب الحره

هي اخت الإمامه وابنة الزهره

عمّه للأئمَّه وبذرة السدره

عند السدره ولجنّه .. جدها المصطفى اتعنى

شفيع امَّه.. دنى يمَّه .. حجاب القدره وِلْإلْهام 

…………………………………………

 (4)

تنشر منهجيه ابموجب التكليف

شموخ الواقفه ابهيبه عطت تعنيف

تكشف منهج ابن الزياد والتزييف

تشرح كربلا ابصوره بلا تحريف

زينب كربلا صارت .. خلف احجابها وارت

منطقها .. تعرفها .. اذا تحچي ابْحَدِّه احْسام

…………………………………………

 (5)

زينب بالسفر كل خطوه تتمنّى

تنشر للبشر دستور واتسنّه  

من تهتف احسين اتوّصِل الجنّه

جنّه ابكربلا كِلْ مِنْ لَها اتعنّى

زينب تقصد المضمون .. جنّه احسين لو توعون

قِيَام احسين .. لاجل الدين .. نهجه يِحْفَظ الاسلام

…………………………………………

 (6)

ميْأذِّى العقيله لا دمِع لا نوح

كل مجلس حُسيني للنعي مفتوح 

اكثر ما يأذي كربلا بلجروح 

منبر للحسين ابلا فكر مطروح

يظل هذا البچي نوماس .. حِزِن نفضح بِهْ الارجاس

هالدمعه .. تظل شمعه .. تِضْوي وتِشْعِل الأفهام

…………………………………………

 (7)

زينب وبحزنها كِتبَت اروايه

قصتها عظيمه فيها كم غايه

فصل العلقمي ما يحمله مايه

خذ حتى الرضا تشهد لها الايه

رضى الرحمان شاهدها .. ذبيح القربى مقصدها

له جبريل .. بالتظليل .. ناشر جنحه   عالآلام

…………………………………………

ابو مصطفى ال يوسف

27 ذو الحجة 1438 هـ

18 سبتمبر 2017